Ministri i Jashtëm i Greqisë, Nikos Dendias deklaroi se nuk do të ketë asnjë lëshim për Shqipërinë, në lidhje me procesin e hapjes së negociatave të vendit tonë me Bashkimit Europian.
Gjatë fjalës së tij nëKonferencën e 2-të Ndërkombëtare mbi Trashëgiminë Kulturore, Dendias u shpreh se pala shqiptare duhet të plotësojë të gjitha kushtet për të qenë pjesë e Bashkimit Evropian, shkruan Protothema.
Ndër të tjera, Dendias përmendi edhe një nga kushtet e kahershme të Greqisë, se Shqipëria duhet të respektojë të drejtat e pakicave greke.
Nikos Dendias: ”Sigurisht, ne nuk do të bëjmë asnjë lëshim për palën shqiptare. Shqipëria duhet të plotësojë kushtet për pjesëmarrje në bllokun evropian, përfshirë mbrojtjen absolute të të drejtave të pakicës greke. Mos i shihni marrëdhëniet greko-shqiptare në kontekstin e “Shqiptarët janë miq me turqit kështu që ata nuk janë automatikisht miq të Greqisë”. Është shumë më e komplikuar. Shqipëria historikisht, nëse e shikoni nga një perspektivë, ka bërë zgjedhjen e saj’’.
