Në një bashkëbisedim me gazetarët, kryetarja e LSI-së Monika Kryemadhi, tha se në zgjedhjet brenda partisë, ka pasur një pjesëmarrje të madhe të emigrantëve jashtë vendit dhe të të rinjve. Për Kryemadhin, kjo është një situatë që i paraprin zgjedhjeve të 25 prillit, sa i përket kthimit të shqiptarëve jashtë.
“Në zgjedhje do të jetë një pjesëmarrje e madhe, për shkak të infrastrukturës. Pati një lëvizje të tyre dhe pjesëmarrja e tyre ishte shumë e madhe. Risia e zgjedhjeve ishte aplikacioni online. Na bëri përshtypje pjesëmarrja e votuesve jashtë Shqipërisë, në Gjermani, Itali. kjo është një situatë që i paraprin zgjedhjeve të 25 prillit, sa i përket kthimit të shqiptarëve jashtë. Ky proces nuk pati thjesht konfirmimin tim në detyrë. Sepse detyrat e mia do të jenë të drejtpërdrejta dhe shumë më të mëdhaja.
Sot sfidat si kemi personale, por përballë qytetarëve shqiptarë. Duam t’u kthejmë shpresën në shtëpi, në një jetë normale. Atë e ka vështirësuar jo vetëm situata ekonomike, e tërmetit. Pjesëmarrja e të rinjve në proces ishte thelbi, dhe tregon energjinë e LSI-së, ç’ka tregon se ajo ecën me hap të shpejtë. Zgjedhjet ishin provë e LSI-së në zgjedhje”, tha ajo.
E pyetur nëse në LSI ka më shumë socialistë, ajo u shpreh se kjo nuk është garë. Duke analizuar situatën, Kryemadhi deklaroi se qytetarët ndihen të pashpresë, ndaj duhet të shohin LSI-në si një alternativë të mundshme.
“Unë nga PS-ja vij, Vasili nuk vjen nga PS-ja, Luan Rama vjen nga PS-ja, nuk është garë se kush vjen nga PS-ja dhe nga partitë e tjera. Qytetarët që ndihen të pashpresë, të bëhen pjesë e këtij vizioni, gara jonë nuk është me PS-në, është me Rilindjen me shpopullimin që bëhet me të rinjtë e të rejat. Beteja jonë nuk është me PS-në, të bashkohemi të gjithë. Po ta dish që ka shumë socialistë”.
