Në fshatin Plan i Bardhë në Bashkinë Klos shkolla nuk ka filluar. Prindërit shprehen për “Top Channel” se refuzojnë t’i dërgojnë fëmijët në shkollë pasi godina nuk mirëmbahet prej vitesh. Shkolla nuk ka drita dhe as tualete edhe pse jetojmë në vitin 2019-të.
“Banorët, shumica të varfër nuk kanë mundësi t’i dërgojnë fëmijët në shkollë tjetër”, shkruan TCH.
Mungesa e shkollës rrezikon një tjetër goditje për jetën e këtij fshati. 80% e banorëve u larguan për shkak të mungesës së ujit të pijshëm dhe vaditës dhe tani kanë tjetër arsye për të menduar braktisjen e tij.
