Meta ka rikthyer edhe njëherë vëmendjen tek çështjet e humbura në arbitrazh nga shteti shqiptar. Kreu i shtetit tha se ka kërkuar me shkresa zyrtare informacione nga Avokatura e Shtetit dhe struktura të tjera, por nuk i është dhënë asnjë informacion.
Presidenti Meta tha se një skenar i errët kërcënon ekonominë shqiptare, dhe kjo për shkak të veprimeve korruptive të kryeministrit dhe vartësve të tij. Ai deklaroi se nuk është Rama që i ka sjellë në pushtet socialistët. Sipas tij, Rama nuk ka sjellë në pushtet PS, por bandat.
Duke qëndruar në të njëjtën linjë, kreu i shtetit shtoi se socialistët që erdhën në pushtet e morën Ramën emigrantë. Duke iu rikthyer marrëveshjes mes palëve në 2013, ai shigjetoi Ramën se bëri poshtërsi.
Edi Rama dhe Ilir Meta nënshkruan marrëveshjen e bashkëpunimit të PS-së me LSI-në për zgjedhjet e 2013-s. Marrëveshja u nënshkrua në praninë e përfaqësuesve të Partive Socialiste Europiane.
Para nënshkrimit të marrëveshjes, Edi Rama shprehej në atë periudhë se shqiptarëve do u kthehet një qeveri legjitime, ndërsa Meta tha se bashkimi i së majtës është një aksion politik historik.
