Kryetarja e LSI-së, Monika Kryemadhi është shprehur se ndryshimi i sistemit nuk është pjesë e 9 kushteve të Bundestagut.
Përmes një deklarate për mediat, Kryemadhi bën fajtor kryeministrin Rama për këtë ndryshim. Ajo shton se kreu i qeverisë është i vetmi i cili ka votat për ta miratuar në Kuvend atë.
Ajo tha se PD-ja është pro sistemit maxhoritar në gjithë vendin, ndërsa partia e saj është për listat e hapura.
“Ndryshimi i sistemit nuk është pjesë e nëntë kushteve të Bundestagut, apo i rekomandimeve të OSBE-së. Të flasësh sot për ndryshimin e sistemit është një lojë e Edi Ramës.
I vetmi instrument që e ka zvarritur këtë proces, është Partia Socialiste edhe pse Komisioni i Reformës Zgjedhore kushte përmbyllur shumë dëgjesa.
Çfarë do lloje kërkesash të ketë LSI, PD kërkon sistem maxhoritar në të gjitha zonat dhe për këtë duhet pyetur vetëm një njeri për ndryshimin e sistemit është Edi Rama. Ne nuk i kemi votat, vetëm Edi Rama i ka votat për ta ndryshuar sistemin.
Ndryshimi i sistemit nuk është më në dorën e opozitës, por në dorën e Edi Ramës, edhe po të duam ne ndryshimin e sistemit, vendos veton Edi Rama.
Unë jam shumë i kënaqur të kem lista të hapura, sepse nuk do kem qejfmbetje mes anëtarëve për vendosjen në listë”, tha ajo.
