Kosova në drejtimin e Shaland ka arritur të tregojë një nivel të jashtëzakonshëm duke e mbyllur e para grupin e Ligës së Kombeve. Trajneri zviceran po arrin ti menaxhojë mjaft mirë talentet që ka në skuadër dhe po merr maksimumin nga ata.
Në një intervistë për “Cooperazione”, zvicerani është shprehur se pavarësisht çfarë kanë arritur tani fillojnë sfidat e vërteta të Kosovës, pasi kundërshtarët do të jenë më të fortë. Po ashtu ai është shprehur se ndjehet mjaft i respektua në Kosovë dhe se atë e ndalojnë në rrugë dhe e shohin si figurën e Jul Çezarit.
“Njerëzit sot më ndalojnë në rrugë dhe shohin te mua figurën e Julo Çezarit. Por ne deri tani kemi luajtur me kundërshtarë të niveli tonë. Tashmë na presin kundërshtarë shumë të vështirë. Nuk jam i frikësuar, por i ndërgjegjshëm. Kohë të vështira do të vijnë së shpejti ose pak kohë më vonë. Unë kur isha te Armenia më shkarkuan në aeroport pas humbjes. Kjo mund të ndodh edhe te Kosova.
Për një ndeshje në Prishtinë ne kemi marrë 200.000 kërkesa për bileta, ndërsa stadiumi nuk mban më shumë se 13.000. Nuk janë thjeshtë ndeshje futbolli këto në Kosovë. Në Kosovë familja është një institucion dhe ka shumë krenari.
Unë kam një grua dhe kam 40 vite i martuar me të, por edhe 4 fëmijë. Jam 67-vjeç dhe po ia dedikoj gjithë kohën dëshirave të mia. Gjithsesi, familja është më e rëndësishmja për mua. Ndihem pak si kosovar këtu”, ka thënë Shaland.
