Gjykata e Krimeve të Rënda ka shtyrë seancën ndaj bandës së ‘Habilajve’ për datën 19 mars, pasi mungonin dy avokatë.
Seanca ishte parashikuar të mbahej ditën e sotme, ndërsa të pranishëm ishin tre prokurorët e çështjes, Dritan Prenci, Arenc Çela dhe Vladimir Mara.
Arseja pse seanca paraprake për grupin ‘Habilaj’ është shtyrë disa herë, ka ndodhur për shkak se Gjykata ka dërguar letër njoftime për të pandehurit të cilët ndodhen në paraburgim në Itali, pasi po gjykohen edhe atje për të njëjtat akuza.
Të pandehur nga Prokuroria për Krime të Rënda u morën Moisi Habilaj, Florjan Habilaj, Fatmir Minaj, Sabaudin Çela, Nezar Seiti, Armando Koçerri, Armando Sulaj, Maridjan Sulaj dhe Tigrens Mezuaraj.
Ndërkohë, i vetmi që ndodhet në Shqipëri është Armando Koçerri.
Ata akuzohen se, në formën e grupit të strukturuar kriminal kanë trafikuar drejt Italisë tonelata me lëndë narkotike.
