Një tjetër person ka humbur jetën nga koronavirusi në Shqipëri.
Sipas Ministrisë së Shëndetësisë, bëhet fjalë për një 71-vjeçar nga Durrësi i cili ndodhej i shtruar në spitalin Infektiv. I moshuari kishte më shumë se dy javë që ishte shtruar në spital.
“Por pavarësisht përpjekjeve të mjekëve, një pacient nuk e ka fituar dot betejën me Covid19. Në 24 orët e fundit ka ndërruar jetë në spitalin infektiv një pacient 71 vjeçar nga Durrësi, i shtruar prej më shumë se dy javësh”, tha Eugena Tomini në përditësimin për situatën nga koronavirusi në 24 orët e fundit.
Kështu shkon në 36 numri i personave që kanë humbur jetën si pasojë e COVID-19 në Shqipëri. Përkatësisht 21 viktima janë shënuar në Qarkun Tiranë, 7 në Durrës, 4 në Fier, 1 në Vlorë, 2 në Shkodër dhe 1 në Kukës.
