Gazetari Kastriot Myftaraj ka folur rreth çështjes së shumëpërfolur të mini-Shengenit, të cilën shumë personazhe të politikës e kanë quajtur si ‘Jugosllavinë e Re’
Gjatë emisionit të tij “Ju Flet Moska”, Myftaraj ka analizuar se si Shtetet e Bashkuara të Amerikës shpëtuan Shqipërinë nga bashkimi me republikën Jugosllave.
Sipas tij, Stalini i propozoi Jugosllavisë që të gëlltiste Shqipërinë në rrethin e saj. Ai shton se ishin bërë të gjitha përgatitjet që Shqipëria të bëhej republika e shtatë e Jugosllavisë.
“Këto ditë kur një nga temat e rëndësishme është ajo që ka të bëjë me nismën e vendeve të Ballkanit Perëndimor, për të cilën Presidenti i Serbisë Aleksandër Vuçiç nuk ngurron ta quajë me emrin e vërtetë Jugosllavia minus Kroacia dhe Sllovenia plus Shqipëria. Pra mburret se është krijuesi i Jugosllavisë së re. Pra këto ditë jemi pranë datës së 147 vjetorit të vdekjes së Presidentit amerikan Truman. Ka vdekur një ditë pas Krishlindjeve.
Presidenti Truman është i lidhur me një ngjarje thuajse të panjohur shumë në historinë tonë por që del nga dokumentet dhe që e bën Trumanin që të jetë në një vend pranë Ëilsonit i cili dihet se shpëtoi Shqipërinë në vitin 1920 nga copëtimi. Trumani ka qenë Presidenti i ShBA-së në vitet 1945-1953. Në vitin 1948, Stalini në bisedat që pati në Kremlin me udhëheqësit Jugosllav u tha hapur gëlltiteni Shqipërinë. Dhe siç dihet ishin bërë të gjitha përgatitjet që Shqipëria të bëhej republika e shtatë e Jugosllavisë”, deklaroi ai.
