Futboll

“Mund të luhej deri në të gdhirë”, Tirana ankohet në FIFA dhe UEFA: Lojtarët u dhunuan


               Publikuar në : 18:37 - 31/03/19 Enno

Klubi i Tiranës ka dënuar ashpër ngjarjen e ndodhur dje në stadiumin “Selman Stërmasi” pas përfundimit të sfidës ndaj Laçit.

Me anë të një njoftimi publikuar në llogarinë zyrtare të “facebook”, klubi bardheblu i kryeqytetit pretendon se lojtarët e tij u provokuan dhe u dhunuan.

Teksa njoftohet se drejtuesit e klubi i kanë venë në dispozicion Policisë pamjet filmike duke pritur zbardhjen e ngjarjes.

Te klubi bardheblu duket se janë zgjuar pas ngjarjeve të ndodhura në 2 javët e fundit teksa “kërcënojnë”, se gjithçka do të relatohet në UEFA dhe FIFA.

NJOFTIMI I KLUBIT:

Denoncim publik

Klubi i Futbollit Tirana denon ashper ngjarjet e ndodhura dje ne stadiumin “Selman Stermasi”. Lojtaret e Tiranes u provokuan dhe u dhunuan. Klubi i ka vene ne dispozicion te Policise se Tiranes pamjet filmike per gjithcka ka ndodhur ne perfundim te ndeshjes Tirana – Laçi dhe pret zbardhjen e ngjarjes si dhe pasojat ligjore.

Denoncimet publike ne kete vend, thuajse gjithmone kane rene ne vesh te shurdhet per te mos sjelle ndryshim. Per kete dhe te tjera arsye, zgjedhim te mos flasim gjate por te veprojme.

Dy jave me pare, gjyqtari Olsi Sokoli vodhi turpshen skuadren ne fushe ndaj Kastriotit dhe klubi ka hapur nje ceshtje ndaj tij ne FIFA, ne sektorin e Luftes kunder Racizmit, ne mungese te nje pergjigje nga Federata Shqiptare e Futbollit.

Dje skuadra u vodh ne fushe, ne nje ndeshje qe mund te luhej deri ne te gdhire sipas kryesorit Kridens Meta dhe me pas u provokua dhe u godit turpshem.

Pamjet filmike jane depozituar ne Policine e Tiranes. Ngjarjet e dy javeve te fundit do te relatohen gjithashtu ne UEFA dhe FIFA.


Kthehu
WhatsApp Denonco ne TT