Doktori i njohur, Pëllumb Pipero ka folur në lidhje me situatën që ka krijuar përhapja e koronavirusit në Shqipëri.
I ftuar në emisionin “Open” në Top Channel, Pipero tha se mund të kemi më shumë raste të infektuarish në krahasim me numrin zyrtar të nxjerrë nga Ministria e Shëndetësisë.
Sipas tij, shumë mund të jenë infektuar por nuk shfaqin simptoma, teksa shton se bumi i numrit të infektuarve do të jetë nga fundi i javës së tretë apo të katërt.
“Nga eksperienca e mëparshme e marrë nga Kina dhe Itali, për çdo rast ka 1-2 të infektuar të tjerë të fshehur. Janë 51 të infektuar por në total mund ta kenë virusin 500 persona. Po ashtu mësua nga eksperienca me Kinën dhe Italinë bumi është nga fundi i javës së 3 apo të 4. Duhet theksuar se shumë mund të jenë të infektuar por nuk manifestojnë sëmundje. Prandaj duhet që shqiptarët të dëgjojnë këshillat tona dhe këtë situatë ta marrin seriozisht”, tha ai.
