Në majin e vitit 2007, bashkëshortët Lori dhe Kris Kobëll në SHBA, përjetuan një tragjedi të madhe. Gruaja po kthehej në shtëpi me 3 fëmijët e saj, Kajlin 5-vjeç, Emën 4-vjeçe dhe Ketin 2-vjeçe, kur një kamion me një ngarkesë 20 ton i goditi nga pas me një shpejtësi 120 km/h.
Lori u shtrua në spital, ndërsa 3 fëmijët vdiqën njëri pas tjetrit në një spital tjetër.
Ajo nuk mbante mend asgjë, ndërsa ishte Kris ai që i dha lajmin e tmerrshëm. Çifti ishte shpirtërisht i dërrmuar, dhe familjarët nuk dinin si t’i ngushëllonin.
Por 6 muaj më vonë, ata morën lajmin për një mrekulli të pabesueshme. Gruaja mbeti shtatzënë me trinjakë: dy vajza dhe një djalë, ashtu siç i kishin pasur më parë.
Për Lori dhe Kris Kobëll, ishte e qartë se fëmijët e tyre të ndarë nga kjo jetë, kishin pasur një rol në këtë mrekulli.
Sigurisht edhe Zoti. Në majin e këtij viti, Eshli, Eli dhe Xhejk kremtuan ditëlindjen e tyre të 12-të.
TIRANA TODAY
