Reperi i famshëm Mozzik së bashku me Drejtuesin e Fondacionit “Fundjavë Ndryshe” Arbër Hajdarin kanë ndërmarrë një iniciativë solidarizuese për t’iu ardhur në ndihmë të prekurve nga tërmeti.
Të dy personazhet e njohur publikë kanë arritur që me ndihmën e shqiptarëve dhe jo vetëm, të grumbullojnë 1 milion dollarë.
Pa diskutim, ky është një lajm i bukur dhe sensibilizues për mbarë popullin shqiptar.
Mozzik së fundmi ka publikuar në llogarinë e tij në Instagram një foto ku shfaqet bashkë me Hajdarin në ambientet e “Qendrës së Solidaritetit Fundjavë Ndryshe”.
“Arritëm diçka që s’e kemi bërë kurrë së bashku. Arritëm 1 milion dollarë para së bashku, për tragjedinë e tërmetit në Shqipëri. O Shqiptarë, kurrë më të bashkuar nuk iu pasna pa, lus Zotin të jemi gjithmonë kështu në këtë ritëm! Fshehurazi pom rrjedhin lotët, lot dhimbje për humbjen e viktimave, për trishtimin që e panë sytë e njerëzve..e ai loti i fundit po më jep shije krenarie e gëzimi, po ma zbërthen fjalën “Bashkë ia dalim”. Jeta ka sprova të shumta, çdo ditë e kemi sfidë, të qëndrojmë bashkë në diell e në shira! Zoti është më i madhi, e vetëm te ai ndihmë kërkojmë! Faleminderit gjithve. Vazhdojmë tutje! Gramoz Aliu (Mozzik)”, shkruan reperi.
https://www.instagram.com/p/B5Xj_RQlV-a/
Në rrjetet sociale nuk kanë munguar komentet pozitive që përgëzojnë Arbrin dhe Mozzik për solidaritetin e shprehur në këto çaste të vështira për Shqipërinë.
Kujtojmë se bilanci i viktimave është tragjik. 31 persona humbën jetën si pasojë e tërmetit 6.4 ballë që tronditi vendin mëngjesin e djeshëm.
