Reshje shiu dhe temperatura të ulëta. Ky është parashikimi i bërë nga Instituti i Gjeoshkencave, Energjisë, Ujit dhe Mjedisit për ditën e sotme në vendin tonë.
Sipas IGJEUM, temperaturat do të variojnë nga 11-15 °C në zonat bregdetare; në vendet e ulëta: 11 / 14 °C; ndërsa në vendet malore: 5 / 8 °C.
Pavarësisht motit të keq e me shi, era pritet të fryjë e lehtë deri mesatare, ndërsa në bregdet e fortë.
Ndërkohë që pjesën më të madhe të vendit do ta mbizotërojnë shirat, nuk do të mungojnë as reshjet e dëborës në veri dhe në zonën juglindore të vendit.
Parashikohet që moti i keq të vazhdojë gjatë gjithë javës, dhe të përmirësohet vetëm të premten dhe gjatë fundjavës.
