Britania e Madhe nis sot shpërndarjen e vaksinave anti-Covid. Sikundër kanë njoftuar mediat e huaja, rreth 800 mijë doza do të vihen në dispozicion të njerëzve më të rrezikuar.
Britania e Madhe është vendi i parë në botë që ka miratuar përdorimin e vaksinave ndaj koronavirusit vdekjeprurës. Të parët që do të marrin vaksinën do jenë grupmosha 80-vjeç e sipër, punonjës shëndetësorë, kujdestarë dhe shtëpia e të moshuarve.
Britania e Madhe miratoi vaksinën Pfizer dhe Biontech si urgjente mërkurën e kaluar, duke u bërë vendi i parë në botë që ka miratuar përdorimin emergjent të vaksinës. Vaksina e parë është prodhuar nga Pfizer dhe BioNTech dhe është 95% efektive.
Britania ka qenë një nga vendet më të goditura nga pandemia, me numrin më të lartë të të vdekurve në Evropë, dhe qeveria e saj është kritikuar ashpër për trajtimin e krizës.