Presidenti Meta është rrëfyer në lidhje me faktin pse nuk dekretoi ministrin Cakaj në krye të Punëve të Brendshme. I ftuar në emisionin “Debat Plus” në Kosovë, Meta tha se kishte mungesë besimi për Cakajn, pasi nuk e njihte, por ishte ndikuar për mosdekretimin edhe nga deklaratat e tij në emisione televizive në Kosovë. Po kështu një arsye më shumë kishte të bënte me faktin se Ministria ka pasur në proces disa çështje mjaft të rëndësishme, ku disa prej tyre lidhen me dialogun mes Greqisë dhe Shqipërisë.
“Mosdekretimi ka të bëjë me faktin që kjo është një detyrë tepër delikate e Minitrisë së Jashtme. Ministria ka pasur në proces disa çështje mjaft të rëndësishme, disa prej tyre lidhen me dialogun mes Greqisë dhe Shqipërisë.
Kjo është një çështje mjaft e komplikuar për të cilën Gjykata Kushtetuese ka nxjerr një vendim. Mungesa e njohjes time, apo deklaratat në ndonjë emision këtu në Kosovë, më ka shtuar mosbesimin tim.
Unë jam komod, pasi përgjegjësinë për këto çështje tashmë e ka Rama, dhe ai përderisa është kryeministër i njeh ato çështje”, tha presidenti Meta.
I pyetur se si ndihej tashmë që kishte parë punën e Gent Cakaj, Meta shtoi; “Unë besoj për ato çështje delikate që përmenda, kam bërë një zgjedhje të mirë”.
