Ditët e fundit, apeli që dëgjojmë shpesh është që qytetarët të ruajnë qetësinë e të mos i kap paniku nga koronavirusi. Autoritetet shëndetësore janë në gatishmëri, ndërsa koronavirusi po përhapet me shpejtësi.
Sakaq, shefi i Organizatës Botërore të Shëndetësisë tha të mërkurën se rritja e papritur e numrit të të prekurve me koronavirus në Itali, Iran dhe Korenë e Jugut janë “thellësisht shqetësuese”. Por sipas tij, situata është ende nën kontroll, për të mos u shndërruar në pandemi.
Ish-ministri i Drejtësisë, Ylli Manjani, ka një koment lidhur me këshillën që qarkullon së fundmi, që qytetarët të mos panikosen. “Kjo thënia herë si këshillë e herë si urdhër “mos u panikosni”, më kujton një avokat të famshëm që i tha klientit pasi humbën gjyqin: “mos u shqetëso! Humbëm gjyqin, por fituam të drejtën për ankim”.
