Një tjetër mesazh i fortë vjen nga ana e presidentit Meta, që në orët e para të ditës. Kreu i Shtetit iu ka bërë thirrje të gjithëve të mos lodhen kot me konspiracione, pasi projekti i tij i vetëm deri në 24 korrik 2022 është vetëm ai i presidentit, dhe nuk synon të bëhet as kryeministër dhe as kryetar opozite.
Statusi
Mos u lodhni kot me konspiracione!
Jam Presidenti i Republikës dhe lider i sovranitetit dhe unitetit kombëtar, në mbrojtje të Kushtetutës, lirisë dhe demokracisë!
Ky është projekti im i vetëm deri në 24 korrik 2022!
Nuk synoj, as për Kryeministër, dhe as për kryetar opozite deri atëhere. Por nga 2 marsi unë kam zbritur në shesh dhe do të vazhdoj shesh më shesh, në të gjithë Shqipërinë derisa të rivendosim vullnetin e sovranit në çdo institucion. Po, qeveria duhet të ketë frikë nga POPULLI, jo POPULLI nga qeveria.
Të hënën, presidenti paralajmëroi se do të mësyjë në Kuvend, nëse mazhoranca nuk tërhiqet nga heqja e betimit të gjyqtarëve dhe prokurorëve. Sakaq, Meta mori një shuplakë të fortë nga ambasadorja amerikane, Yuri Kim. Meta u shfaq me flamurin e SHBA, por ambasadorja u distancua dhe kërkoi që presidenti të mos e valëvisë atë flamur.
