Në tentativë për të parandaluar valën e dytë të pandemisë, Austria do të aplikojë një bllokim të dytë mbarëkombëtar. Mediat e huaja raportojnë se izolimi ri do të jetë në fuqi të martën, dhe do të zgjasë së paku dy javë e gjysmë.
Shifrat e të infektuarve janë gjithmonë e në rritje, dhe kjo ka sjellë në kolaps sistemin shëndetësor. Austria raportoi të premten më shumë se 9.500 raste të reja nga koronavirusi, ndërkohë numri i përgjithshëm i të prekurve vlerësohet të jetë rritur në 191 mijë.
Kancelari austriak, Sebastian Kurz, u ka kërkuar qytetarëve që të mos takojnë askënd jashtë shtëpisë së tyre, në mënyrë që të frenohet rritja e shpejt e infeksioneve.
Ai deklaroi se shkollat do të mbyllen, ndërsa studentët do të mësojnë nga shtëpia kur masat e reja të hyjnë në fuqi të martën.
