Kryeministri Edi Rama ka paralajmëruar kreun e PD-së, Lulzim Basha lidhur me kërcënimet për prishje të marrëveshjes së 5 qershorit.
Përmes një postimi në Twitter, Rama deklaron se Partisë Demokratike nuk ia ka borxh askush, pasi ka marrë gjithçka që deshi dhe tashmë nuk do të mbajë peng Kuvendin dhe zgjedhësit.
“Një këshillë miqësore për Lulzim Bashën e kolegët opozitarë jashtë Kuvendit:Lërini sharjet e kërcënimet ju lutem e mos thoni u prish marrëveshja,se ajo marrëveshje u bë me ju e për ju, jo për ne! Ne s’donim e s’duam administratë zgjedhore partiake, prandaj mos na provokoni se…
S’ua kemi borxh as ne, as populli jo e jo,pasi morët gjithçka deshët! Peng Kuvendin e zgjedhësit,të cilëve do t’u japim mundësinë të votojnë për deputetin e jo vetëm për partinë,nuk i merrni dot! Po mos na nxisni kundër asaj marrëveshjeje që e bëmë për ju po na lini ta votojmë…”, shkruan ai.
S'ua kemi borxh as ne, as populli jo e jo,pasi morët gjithçka deshët! Peng Kuvendin e zgjedhësit,të cilëve do t'u japim mundësinë të votojnë për deputetin e jo vetëm për partinë,nuk i merrni dot! Po mos na nxisni kundër asaj marrëveshjeje që e bëmë për ju po na lini ta votojmë…
— Edi Rama (@ediramaal) July 11, 2020
