Ish-kandidatja për deputete e LSI-së në qarkun e Durrësit, Elona Guri, me anë të një postimi në rrjetet sociale, ka akuzuar sekretarin e Partisë Demokratike, Gazment Bardhi. Guri shigjeton Bardhin, duke i thënë se nuk ka pranuar që të dalë në një konferencë shtypi kundër Suel Çelës, pasi ka dalë në rregjistrime.
Statusi
“Mos i jep gojes sic i jep b….. o Gaz! Ki kujdes kur flet per gjera qe nuk i di se ty nuk te qaste njeri ne zyre.
Monika Kryemadhi te ka ballafaquar me Lulzim Bashen edhe keshilltarin izraelit dhe Petrit Vasilin në zyren e Bashes se si ti kishe bere marreveshjen 8 mandate t’i mbante PS ne Elbasan dhe ti doje mandatet e LSI dhe ti kishe dale garant bandave se do ishe minister I brendshem . Ju edhe i regjistroni bisedat e ke aty regjistrimin dhe se si ti nuk pranove te beje konference shtypi kunder Suel Çeles.
Ti beson se keshilltari izraelit nuk kuptonte shqip se çfare u tha aty?”.
Deklarata e saj pason pas qëndrimit të Gazment Bardhit, i cili tha dje në emisionin “Open” se krisja mes PD-së dhe LSI-së erdhi në momentin që ata nuk pranuan të shkonin me lista të përbashkëta. Sipas Bardhit, PD-ja i ofroi LSI-së 15 mandate të sigurta, ndërsa LSi-ja nga ana tjetër nuk pranuan, dhe njoftuan se do të fitonin 34 mandate vetë.
Sa i takon qëndrimit të zyrtares së LSI-së, Bardhi ka deklaruar: “Nuk e njoh fare kush është zonja. Unë kam dhënë me dhjetra konferenca për shtyp, ato që u fshehën dhe nuk erdhën një ditë në Elbasan, janë arsyeja se përse LSI-ja nuk mori aty asnjë mandat. Ju e dini se LSI-ja nuk zhvilloi asnjë fushatë në Elbasan”.
