Një i ri është marrë peng dhe është dhunuar, për shkak të një lavatriçeje. Dy persona janë vënë në pranga nga policia e Fierit, pasi morën peng për dy orë një 25-vjeçar. Një i tretë me inicialet B.A., 40-vjeç është shpallur në kërkim. Erjon Agalliu, 42-vjeç dhe Arben Bleta 54-vjeç, janë vënë në pranga nga policia e Fierit, pasi kanë marrë peng për 2 orë një 25-vjeçar për shkak të një lavatriçeje.
Këta shtetas, në bashkëpunim me njëri-tjetrin, kanë dhunuar fizikisht dhe i kanë hequr lirinë në mënyrë të paligjshme për rreth dy orë shtetasit A. R., 25-vjeç, banues në Fier. Me marrjen e njoftimit, blutë e Fierit kanë bërë të mundur kapjen dhe ndalimin e dy autorëve dhe po punojnë për kapjen e autorit të tretë.
“I hoqën për dy orë padrejtësisht lirinë për motive të dobëta 25- vjeçarit, kapen dhe vihen në pranga dy prej autorëve, shpallet në kërkim autori i tretë. Specialistët për Hetimin e Krimeve në Komisariatin e Policisë Fier bënë ndalimin e shtetasve E. A., 42 vjeç dhe A. B., 54 vjeç dhe shpallën në kërkim shtetasin B. A., 40 vjeç, banues në Fier. Këta shtetas, në bashkëpunim me njëri tjetrin, për motive të dobëta, kanë dhunuar fizikisht dhe i kanë hequr lirinë në mënyrë të paligjshme për rreth dy orë shtetasit A. R., 25 vjeç, banues në Fier. Me marrjen e njoftimit, shërbimet e Komisariatit të Policisë Fier kanë bërë të mundur identifikimin, lokalizimin, kapjen dhe ndalimin e dy autorëve dhe po punojnë për kapjen e autorit të tretë.
Materialet i kaluan Prokurorisë pranë Gjykatës së Shkallës së Parë Fier për veprat penale “Heqja e paligjshme e lirisë” e kryer në bashkëpunim. Në Fier u ndaluan për heqje të paligjshme të lirisë shtetasit Erjon Agalliu dhe Arben Bleta”, njofton policia.
