Sikundër ishte planifikuar më herët, sot u shemb me shpërthim të kontrolluar një pallat në Durrës, që pësoi dëmtime të shumta në tërmetin e 26 nëntorit.
IKMT vendosi 8.5 kg lëndë eksplozive C4 dhe u hapën 350 vrima në trupin e tij. Bëhet fjalë për një pallat 6 katësh që u hodh në erë, në lagjen 7 në Durrës.
Njoftimi
IKMT prish me shpërthim të kontrolluar pallatin 6 katësh. Inspektorati Kombëtar i Mbrojtjes së Territorit ka prishur sot me sukses me shpërthim të kontrolluar, një objekt pallat, gjashtë katësh në lagjën 7 Durrës. Objekti, pas ekspertizës së thelluar, rezultoi i dëmtuar rëndë nga tërmeti i 26 nentorit dhe paraqiste rrezikshmëri. Për prishjen e ketij objekti, IKMT hapi 350 furnela (vrima) dhe përdori 8.5 kilograme lëndë eksplozive c4.
