Sikundër ishte njoftuar më herët, mesditën e sotme është mbledhur Komiteti Teknik i Ekspertëve, për të përcjellë detaje rreth situatës epidemiologjike në vend.
Mjeku Dhimitër Kraja u shpreh se aktualisht në dy spitalet Covid janë duke marrë kujdes shëndetësor 230 pacientë, dhe kapacitetet nuk janë ezauruar.
Grupmosha e të shtruarve variojnë nga 19 në 89-vjeç. Dhimitër Kraja ka bërë me dije se ka një rritje të numrit të grave shtatzëna, që po preken rëndë nga pandemia.
“Në dy spitalet COVID ka 230 pacientë, kapaciteti është ende i disponueshme se 30% e mundësive të shtrimit është i lirë ende, të sëmurët vijnë kryesisht nga Tirana, Durrësi, Elbasani, por edhe nga rrethet.
Ka 19-89 vjeç, por mbizotëron mosha 65 vjeçare, ka më shumë raste të grave shtatzëna që vijnë me Covid, që kanë forma të rënda. Pjesa më e madhe e të shtruarve të pavaksinuar. Ka fatalitete nga rastet e vaksinuara, por janë shumë të paktë. 5.1 ose 5.4 raste në ditë”, tha Dhimitër Kraja.
