Ministrja e Shëndetësisë, Ogerta Manastirliu, ka publikuar videomesazhin e mjekes së spitalit universitar “Shefqet Ndroqi”, Prof. Alma Cani. Mjekja u bën thirrje qytetarëve të respektojnë rregullat, për të mbrojtur jetën e të gjithëve. Ajo vë në dukje shtimin e pacientëve të shtuar, e ndërsa u kërkon qytetarëve që të respektojnë rregullat, për të mposhtur pandeminë. Distancimi social dhe mbajtja e maskës, tashmë janë prioritet për shpëtimin e jetës.
“Çdo ditë shikojmë raste që po shtohen. Çdo ditë shikojmë raste të shpërndarjes së virusit. Çdo ditë po shikojmë numrin e shtuar të pacientëve në spitale.
Kërkojmë ndihmën tuaj. Zbatoni rregullat, bëni kujdes. Distancimin social e për më tepër vendosjen e maskës.
Nuk duam t’ju shikojmë në ambientet e spitalit, për të mbajtur maska të tjera, maskat e oksigjenit, e për më tepër asistencat në terapi intensive.
Ndaj mbani maskën. Mbroni jetën tonë, tuajën, timen, të të gjithëve ne”, është mesazhi i Prof. Alma Cani.
