Analisti Skënder Minxhozi ka deklaruar se atij i duket më banal 2 marsi sesa koronavirusi.
Kujtojmë se më 2 mars në orën 17:00 përpara Presidencës pritet që të zhvillohet manifestimi i thirrur nga Presidenti Ilir Meta.
“Mua më duket më banal 2 marsi sesa koronavirusi. Unë mendoj se 2 marsi është ta kthesh Republikën në qesharake. Presidenti flet me dekrete dhe flet politikisht.
Presidenti ka për detyrë të ulë palët në tryezë dhe jo t’i nxisë. Ai ka thirrur të gjitha forcat opozitare. Ky është banalizim i Presidencës. Unë nuk e paragjykoj, por këtu ka një paradoks. Unë e kam shumë të qartë pse Ilir Meta e bën këtë. Lëvizja e Presidentit është se ai ka kuptuar se 1 miliardë euro plus hapje negociatash do të thotë mandat tjetër.
Presidenti për mua qëndron tek opozita. Ai po bën opozitë edhe kur opozita është institucion. Ai ka kuptuar ku ndodhet krahu i tij opozitar. Ai do të bëjë një shkarkesë elektrike për opozitën. Meta po bën një gabim strategjik”, tha Minxhozi në emisionin “Real Story”.
