Ministrja e Mbrojtjes, Olta Xhaçka ka bërë me dije se Shqipëria do të jetë vendi organizator i Ministerialit të ardhshëm të Mbrojtjes.
Përmes një postimi në Facebook, Xhaçka shprehet se ky vendim i NATO-s është një vlerësim maksimal për sigurinë që Shqipëria përcjell si një aleat i denjë. Ajo shtoi se ka arritur të sigurojë që qeveria ta rrisë buxhetin e Mbrojtjes nga 1.34% të PBB, në 2% në vitin 2024.
Postimi i plotë:
Në 17 dhe 18 Qershor, Tirana do të jetë kryeqendra e mbrojtjes dhe sigurisë në botë. E lumtur që NATO miratoi ftesën time, që Shqipëria të jetë vendi organizator i Ministerialit të ardhshëm të Mbrojtjes, për herë të parë në rajonin tonë.
Vendimi i Aleancës për t’u takuar në Shqipëri është jo vetëm vlerësim maksimal për sigurinë që vendi ynë përcjell si një aleat i denjë, por edhe një mesazh i NATO për rolin e fortë që Shqipëria luan si faktor stabiliteti në rajon.
Në Ministerialin e radhës të NATO-s në Bruksel, falenderova aleatët për ndihmën e menjëhershme pas tërmetit të 26 nëntorin në vendin tonë dhe ata që vazhdojnë të na gjenden pranë në fazën më të rëndësishme, atë të rindërtimit.
Sigurova angazhimin e qeverisë për ta rritur buxhetin e Mbrojtjes nga 1.34% të PBB që është aktualisht, në 2% në vitin 2024