Aktualitet

Senati i trembet veprimeve të Trump:  I kufizon kompetencat ushtarake


               Publikuar në : 10:32 - 14/02/20 Gentjan Progni

Të shqetësuar prej mënyrës sesi Trump ka përdorur ushtrinë në sulme ndaj zyrtarëve iranianë (precedent rasti i vrasjes së gjeneralit iranian Qassem Soleimani) Senati Amerikan ka miratuar një rezolutë për kufizimin e autoritetit të presidentit për nisjen e operacioneve ushtarake.

Sipas rezolutës të hartuar nga demokratët, presidenti ka nisur sulme ushtarake pa u konsultuar me Senatin. Për këtë arsye, për nisjen e operacioneve ushtarake tani e tutje presidenti Trump duhet të ketë miratimin e Kongresit.

Tetë republikanë u janë bashkuar demokratëve për të miratuar rezolutën me 55 vota për dhe 45 kundër.

Kaine si një nga hartuesit e rezolutës është shprehur se vetëm Kongresi ka fuqinë për të shpallur luftë – jo presidenti.

Nga ana tjetër, Trump ka reaguar në lidhje me rezolutën. Sipas tij, kjo mesazhe  do t’i dërgojë mesazhe të gabuara Iranit dhe prandaj do të vendosë veton ndaj saj.


Kthehu
WhatsApp Denonco ne TT