Analisti Milaim Zeka i cilëson aktakuzat ndaj Thaçit dhe Veselit në një kohë kur ata ishin nisur për negociata në SHBA, si një bombardim politik ndaj Kosovës.
I ftuar në studion e ABC News, Zeka tha se kryeministri Avdullah Hoti nuk duhet ta kishte anuluar takimin e 27 qershorit në Shtëpinë e Bardhë.
Sipas analistit, duke marrë parasysh deklaratat që bënë pak ditë më parë, presidenti i Rusisë, Vladimir Putin dhe Aleksandar Vuçiç ishin në dijeni për ngritjen e aktakuzave ndaj Thaçit.
“Personalisht mendoj që duhej të shkonte, por duhej të paktën konsultuar me Grenell dhe Shtëpinë e Bardhë… Presidenti Vuçiç në takimin me Putin tha që do kemi lajme shumë të rënda, por nuk ia ka treguar…Putin dhe Vuçiç e kanë ditur për ngritjen e kësaj aktakuze”, tha ai.
