Presidenti Ilir Meta ka publikuar foto nga takimi në Gjirin e Lalzit me homologun e tij kosovar, Hashim Thaçi.
Nga fotot e publikuara nga kreu i shtetit në Facebook, duket se pjesë e takimit ka qenë edhe ish-presidenti i Kosovës, Behgjet Pacolli.
“Kënaqësi e veçantë të kisha sot një mik të veçantë si Presidenti Thaçi. Pa diskutim edhe bacën Behgjet. Kaluam disa orë shumë të bukura dhe frymëzuese. ????”, shkruan kreu i shtetit në postimin e tij.
Ky takim vjen vetëm pak ditë para nisjes së Thaçit për në Hagë, i cili do të intervistohet nga Prokuroria Speciale për aktakuzën për krime lufte gjatë luftës ndaj Serbisë.
