Nënkryetari i LSI-së, Petrit Vasili ka reaguar pas konferencës për shtyp që mbajti ditën e sotme presidenti Meta.
Përmes një postimi në Facebook, Vasili i cilëson dokumentet e publikuara nga Meta si një dëshmi të rëndë të kapjes së shtetit.
Sipas tij, këto dokumente janë fakte që verifikojnë “rrëmbimin e Gjykatës Kushtetuese nga rilindja”. Vasili i bën thirrje SPAK të hetojë mbi këto prova dhe mos ta neglizhojë dosjen.
Postimi i plotë:
Fakte monstruoze që ulërijnë për rrëmbimin e Gjykatës Kushtetuese nga rilindja! (Dokumente)
Dokumentet e publikuara nga presidenti janë një dëshmi shumë e rëndë e kapjes monstruoze të shtetit si kurrë ndonjëherë në këto tridhjete vite pluralizëm.
Ku është prokuroria dhe policia???
Ku janë fshehur?
Ku është SPAK?
Apo po kërkon se ku do ta degdisë dosjen.
Apo presin urdhrat e Edi Ramës.
Apo po kërkojnë ndonjë fshatar ta arrestojnë se ka bërë ndonjë mur pa leje dhe ta japin në 20 televizione dhe 200 portale sikur zunë armikun e shekullit.
Ndërsa horrave në parlament e ministri të drejtësisë, që e shndërruan shtetin në mafie ju bëjnë fresk dhe u fërkojnë kurrizin.
Ku është pra reforma në drejtësi???
Turp.
Shihini provat ulëritëse (dokumente) të rrëmbimit të shtetit nga banditët e qeverisë.
