Pas kundërpërgjigjeve të njëpasnjëshme ndaj të gjithë zërave kritikë ndaj presidentit Meta, ky i fundit pritet që të mbajë konferencën e radhës në orën 14:30.
Presidenti i Republikës, Ilir Meta, i bën thirrje shqiptarëve që të zgjohen, për të kuptuar që beteja për Gjykatën Kushtetuese është e rëndësishme për të ardhmen e demokracisë dhe për vetë ekzistencën e shtetit.
Sipas kreut të shtetit, vendi rrezikohet nga organizata në pushtet e Rilindjes.
Ftesa e tij e përsëritur është që qytetarët të dalin më 2 mars në bulevardin “Dëshmorët e Kombit”. Më herët, ai ka akuzuar mazhorancën se me ligje antikushtetuese, po tenton që t’i marrë kompetencat presidentit, që sipas tij është institucioni i fundit që nuk është kapur ende nga qeveria.
