Pak orë para nisjes së manifestit të thirrur në orën 17:00, me argumentin e mbrojtjes së Kushtetutës nga grushti i shtetit, një tjetër mesazh ka ardhur nga Kreu i Shtetit, Ilir Meta.
“Të dashur motra dhe vëllezër. Kushtetuta e popullit po pret popullin e Kushtetutës. Edhe pak momente na ndajnë nga nisja e pranverës kuq e zi. Mirësevini të gjithë!”, thotë presidenti Meta në një video të shkurtër të cilën e ka shpërndarë në Facebook.
Sikundër është bërë me dije më herët, gjatë këtij manifestimi, Meta do të firmosë edhe një dekret.
Në media përflitet se bëhet fjalë për Gjykatën Kushtetuese, ndërsa nuk kanë munguar spekulimet se presidenti mund të shpërndajë edhe Parlamentin.
