Meta: Kam qenë dhe do jem shembulli i qetësisë, artikuloj me forcë

I pyetur se pse ishte aq i qetë gjatë Komisionit Hetimor për të, presidenti Meta tha se nuk kishte asnjë arsye pse të sillej ndryshe. Meta edhe një herë tjetër trumbetoi se Presidenti i Republikës ka respektuar Kushtetutën e Republikës së Shqipërisë.

“Unë jam gjithmonë i qetë, dhe artikuloj me forcë. Kështu që nuk kisha asnjë arsye përse të sillesh ndryshe në këtë komision.

Kam qenë dhe do jem shembulli i qetësisë. Sundimi i ligjit dhe shteti i së drejtës është vënë në pikëpyetje.

Ka qenë një mundësi për të gjithë, për të kuptuar se Presidenti i Republikës ka respektuar Kushtetutën e Republikës së Shqipërisë. Unë besoj se të gjithë ata që e kuptojnë të zezën mbi të bardhë”, tha Meta.