Presidenti Ilir Meta vizitoi ditën e djeshme Prishtinën ku edhe u zhvillua një ceremoni në të cilën u vlerësuan Forcat e Sigurisë së Kosovës për ndihmën me situatën pas tërmetit.
Pas kësaj ceremonie, Meta ka zhvilluar edhe një takim me kreun e VV, Albin Kurtin dhe kreun e LDK-së, Isa Mustafën. Përmes një postimi në Facebook, kreu i shteti jep detaje nga takimi me dy krerët e partive më të mëdha në Kosovë.
“Dje në Prishtinë falenderova edhe Kryetarin e Lëvizjes Vetëvendosja z.Albin Kurti dhe Kryetarin e Lidhjes Demokratike të Kosovës z.Isa Mustafa për solidaritetin që kanë treguar dhe ndihmën konkrete që kanë dhënë në mbështetjen e familjeve të prekura nga tërmeti i 26 nëntorit. Si fitues të zgjedhjeve parlamentare iu urova suksese në partneritetin e tyre për krijimin e institucioneve të reja qeverisëse”, tha ai.
Sipas tij, Kosova i ka të gjitha mundësitë të jetë një shembull i mirëqeverisjes në rajonin tonë.
