Presidenti i Republikës, Ilir Meta deklaroi se qytetarët e Kosovës meritojnë sa më parë liberalizimin e vizave me Bashkimin Europian.
Të njëjtin qëndrim i ka shprehur Metës, edhe Presidenti i Sllovenisë gjatë vizitës së tij zyrtare në Tiranë.
Meta u shpreh se bashkë me homologun slloven, nënvizuan rëndësinë e vijimit të dialogut Kosovë-Serbi për arritjen e një marrëveshjeje të qëndrueshme dhe reciprokisht të pranueshme nga të dyja palët.
Sipas kreut të shtetit shqiptar, e ardhmja e vendeve të Ballkanit Perëndimor nuk është ndryshimi i kufijve por heqja e tyre si në vetë Bashkimin Europian,
”Qytetarët e Kosovës meritojnë sa më parë liberalizimin e vizave me Bashkimin Europian. Të njëjtin qëndrim më shprehu sot edhe Presidenti i Sllovenisë, Borut Pahor, me të cilin gjithashtu nënvizuam rëndësinë e vijimit të dialogut Kosovë-Serbi për arritjen e një marrëveshjeje të qëndrueshme dhe reciprokisht të pranueshme nga të dyja palët, që do të përshpejtonte proceset integruese të këtyre vendeve. E ardhmja e vendeve të Ballkanit Perëndimor nuk është ndryshimi i kufijve por heqja e tyre si në vetë Bashkimin Europian, nëpërmjet bashkëpunimit më të ngushtë rajonal dhe të distancimit nga e kaluara e hidhur.’’, shkruan Meta në rrjetin social, Facebook.
