Ish-ministri i Drejtësisë, Ylli Manjani ka komentuar videon e publikuar pak orë më parë, ku pretendohet të shihet kryebashkiaku i Bulqizës duke konsumuar kokainë në një hapësirë publike.
Përmes një postimi në Facebook, Manjani shprehet se pas kësaj videoje Lefter Alla duhet të shkarkohet menjëherë.
Sipas tij, rasti i ish-kryebashkiakes Valbona Sako e cila dha dorëheqjen pas një lapsusi në të folur, nuk është asgjë para kësaj çështjeje. Manjani e cilëson qëndrimin në pushtet të Lefter Allës si të rrezikshëm, pasi sipas tij “merr vendime nën efektin e drogës”.
Postimi i plotë:
Kryetarja e Bashkisë Durrës nuk bëri asgjë, me thënë të drejtën. Një lapsus në të folurën publike dhe iku!
Ky i Bulqizës është shoqërisht i rrezikshëm sepse merr vendime nën efektin e drogës, por i shkon mendja të rrijë…
Sigurisht, sepse mendja e përhumbur nga droga nuk arrin të kuptojë ku është e ç’bën!!!
Në kushte normale ky zotëria shkarkohet direkt nga Qeveria. Kuptohet, nëse kjo e fundit është esëll…
Çfarë degjenerimi! Nuk e mbajtën dot as një vit pushtetin që grabitën pa zgjedhje.
