Merr flakë banesa në Korçë, plagoset një person

Një person ka mbetur i lënduar si pasojë e një zjarri që përfshiu banesën ku jetonte. Ngjarja ka ndodhur në qytetin e Korçës, në lagjen nr 5.

Mësohet se ngrohësja që përdorin familjarët që jetonin në këtë shtëpi ka bërë që mobiljet të marrin flakë.

Zjarri është përhapur masivisht në të gjithë shtëpinë, duke lënduar edhe një nga familjarët.

I plagosuri është dërguar në spitalin rajonal të Korçës ku po merr ndihmën e nevojshme mjekësore, ndërsa pjesëtarët e tjerë kanë dalë jashtë pallatit.