Presidenti i Serbisë, Aleksandar Vuçiç, shprehet se liderët e Ballkanit Perëndimor duhet të jenë vendimmarrës dhe ka kërkuar hapje të kufijve për ulje të kostove.
Gjatë fjalës së tij në video-samitin e organizuar nga Këshilli Atlantik i Uashingtonit, Vuçiç propozoi se takime të tilla të organizohen të paktën një herë në muaj. s
“Kemi pasur një seancë produktive. Unë duhet të lavdëroj punën tuaj dhe të gjitha të tjerat që janë të rëndësishme për Serbinë. Ne po flasim për një paketë evropiane që është e rëndësishme për ne. Së pari duhet të ndryshojmë veten për t’iu përkushtuar më shumë rajonit tonë, për të mos e nënvlerësuar veten dhe të kemi më shumë besim tek njëri-tjetri. Duhet të jemi më të shpejtë në rajon, varet nga ne. Angela Merkel nuk mund të marrë vendime për ne”, tha ai.
Sipas liderit serb, nëse kufijtë në Ballkan hapen, vendet mund të kursejnë deri në 7% të kostove.
“Nëse zvogëlojmë të gjitha këto procedura dhe të gjitha këto procese burokratike, përfundimi është se mund të kursejmë më shumë para. Kjo do të thotë që ju duhet të ndaloni të gjykoni fuqinë tonë. Ne duhet të punojmë së bashku për të zgjidhur problemet tona dhe të jemi shumë më të respektuar nga Shtetet e Bashkuara dhe BE. Ne duhet të bashkëpunojmë dhe të punojmë së bashku sepse të gjithë jemi shumë të vegjël. Kjo është mënyra e vetme për të arritur diçka”, shtoi ai.
