Kancelarja Angela Merkel u shpreh sot nga konferenca e përbashkët me Ramën se BE-ja duhet të mbajë premtimin sa i takon procesit të integrimit, nëse kushtet janë plotësuar. Në të kundërt, kjo sjell zhgënjim dhe thyerje të besimit.
“BE-ja do të duhej që nga njëra anë të thonë se cilat janë kushtet për tu përmbushur për nisjen e procesit të anëtarësimit, dhe kemi thënë se çfarë duhet të ndryshojë në sistemin e drejtësisë.
Ne kemi nevojë për miratimin e parlamentit, dhe parlamenti im lexon me shumë imtësi raportet dhe shikon vendet, takohet me shoqërinë civile.
Dhe në momentin që konstatohet se këto kushte janë përmbushur, duhet mbajtur fjala, pasi në të kundërt, sjell zhgënjim dhe thyerje të besimit”, tha Merkel.
