E hënë, 18 Janar, 2021
-1 C
Tirana

“Mendoni për të nesërmen”, Manastirliu poston foton e pacientit në terapi intensive

Ministrja e Shëndetësisë Ogerta Manastirliu, i bën thirrje të rinjve që të tregojnë më tepër përgjegjshmëri, duke respektuar masat ndaj pandemisë.

Ajo ka ndarë me ndjekësit fotografinë e një pacienti të prekur me Covid-19, duke demostruar në këtë formë rrezikshmërinë e madhe që paraqitet nga infeksioni.

Manastirliu, e shqetësuar për gjendjen në të cilën ndodhet vendi sot, ku shifrat nuk kanë të ndalur, ka kërkuar nga rinia që të mendojë për të nesërmen.

Teksa ripërsërit mesazhin që vlen më shumë se kurrë në këtë kohë, ajo thotë se virusi mposhtet nga sjellja e gjithësecilit prej nesh. Kjo duke zbatuar rregullat bazë të mbajtjes së maskës, distancimit social dhe higjenës vetjake.

Statusi

Kam një apel për të rinjtë!

E mirëkuptoj shkujdesjen e moshës, zellin për të relativizuar çdo gjë, madje edhe një sëmundje si kjo që shkakton koronavirusi.
E mirëkuptoj edhe prirjen tuaj për të mos besuar ekzistencën e diçkaje që nuk shihet me sy. Ka shumë gjëra që nuk i shohim, por kjo nuk do të thotë që nuk ekzistojnë. Dhe një prej tyre është COVID19, që ka vënë në vështirësi Botën mbarë.

🙏🏼Ju lutem, ndaluni një sekondë dhe shihni këtë moment në terapinë intensive në spitalin infektiv pak minuta më parë dhe mendoni pak për prindërit dhe të afërmit tuaj!

A do të donit vërtet të bëheshit bartës të një virusi, dhe shkaktarë të një sëmundjeje, që për ta mund të rezultojë fatale?

Dhe në fund, mendoni pak për të nesërmen.

Mendoni për një kohë kur do të mbërrini në moshën e prindërve tuaj dhe do t’u mësoni fëmijëve tuaj përgjegjshmërinë dhe kujdesin ndaj të afërmit. A do ua ilustronit me shembullin që vetë po jepni sot?

Lexo edhe :   Rritet numri i të infektuarve në Kosovë, 5 viktima nga Covid-19
Lexo edhe :   Rritet numri i të infektuarve në Kosovë, 5 viktima nga Covid-19

Sigurisht, koronavirusi do të vihet përfund, siç ka ndodhur me shumë pandemi që ka parë Bota.

Por të gjithë bashkë, me përgjegjshmëri qytetare, dhembshuri njerëzore, duke zbatuar rregullat bazë të mbajtjes së maskës, distancimit social dhe higjenës vetjake, ne mund ta fitojmë këtë luftë me sa më pak jetë të humbura.

Dhe kjo varet nga sjellja e gjithësecilit prej nesh!

- Reklama -

Më shumë nga kategoria




Të fundit

Futbollisti shqiptar firmos kontratë të re me klubin e Premier Ligës

Futbollist Meritan Shabani ka firmosur një kontratë të re me skuadrën e Volvesit në Angli. Trekuartisti 21-vjeçar ka firmosur një kontratë të re deri në...

Basha-Ramës: Për 8 vjet dështime fajin nuk e ka BE, por Tirja i qeverisë

Kryetari i Partisë Demokratike, Lulzim Basha, ka reaguar pas sulmeve të kryeministrit Edi Rama ndaj vendeve të Bashkimit Evropian, pasi nuk mbështetën Ballkanin Perëndimor...

OBSH paralajmëron: Do të ketë 100 mijë vdekje në javë nga Covid në botë

Vdekjet globale nga COVID-19 pritet të arrijnë në 100,000 shumë shpejt, nga më shumë se 93,000 të raportuara javën e kaluar, tha të hënën...

Braçe: Dy vite më parë u betova me dorën mbi Kushtetutë për të mos vjedhur

Zv.kryeministri Erion Braçe ka publikuar foton e dy viteve më parë, kur u betua me dorën mbi Kushtetutë për të marrë postin e zëvendësit...

Ku ka të drejtë dhe ku dredhon Rama në sulmin ndaj BE-së

Nga: Andi Bushati Edi Rama ka të drejtë në vizatimin që i bën BE-së si bashkim egoist, cinik madje aspak solidar. Kritikat që ai i...