E hënë, 18 Janar, 2021
-1 C
Tirana

Intervistimi i presidentit Thaçi vazhdon të mërkurën, çfarë shkruan “Zëri i Amerikës”

Presidenti i Kosovës, Hashim Thaçi, doli pas gjashtë orësh të intervistimit të tij në Prokurorinë e Posaçme në Hagë, që trajton pretendimet për krime të luftës dhe të pas luftës në Kosovë.

Ai nuk bëri ndonjë koment derisa doli nga ndërtesa e Prokurorisë, ku do të kthehet të mërkurën për të vazhduar ditën e tretë të intervistimit.

Ai nuk bëri ndonjë koment as derisa hyri sot në orën 13 në ndërtesën e Prokurorisë, ku një ditë më parë qëndroi për gjashtë orë. Në fund të ditës së parë ai tha shkurt se ka dëgjuar “shkëmbimet mbi teknikalitetet ndërmjet prokurorit dhe avokatit të tij mbrojtës dhe kjo do të vazhdojë nesër.

Avokati i tij mbrojtës është amerikani Pierre-Richard Prosper, i cili në pjesën e dytë të viteve të 90-ta kishte qenë prokuror në Gjykatën Ndërkombëtare të OKB-së për Ruandën.

Si prokuror në Departamentin amerikan të Drejtësisë, kishte shërbyer edhe në poste të tjera përfshirë atë ambasadorit për çështje të krimeve të luftës në periudhën e administratës së presidentit George Bush.

Prokuroria e Posaçme me 24 qershor publikoi njoftimin për ngritjen e akuzave ende të pakonfirmuara ndaj presidentit Thaçi dhe kryetarit të Partisë Demokratike, Kadri Veseli, si të dyshuar për krime kundër njerëzimit dhe krime lufte.

Të hënën para se të hynte në ndërtesën e prokurorisë presidenti Thaçi tha se është i gatshëm të përballet me atë që ai e quajti sfidë të re ndërsa nënvizoi se askush nuk mund ta rishkruajë historinë.

Akuzat i janë dorëzuar një gjykatësi të procedurës paraprake i cili duhet të vendosë për konfirmimin apo hedhjen poshtë të tyre. Në pritje të një vendimi presidenti Thaçi tha pas publikimit të njoftimit të prokurorisë së është i gatshëm të jap dorëheqjen.

Publikimi i akuzave muajin e kaluar nxiti reagime në shkallë të gjerë dhe kritika ndaj prokurorisë veprimi i së cilës u cilësua nga vëzhgues në Kosovë si politikisht i motivuar.

Ajo bëri që të anulohet edhe një takim Kosovë-Serbi në Shtëpinë e Bardhë që pritej të mbahej më 27 qershor me ndërmjetësimin e ambasadorit amerikan Richard Grenell.

Menjëherë pas anulimit të tij Bashkimi Evropian organizoi takimet e para nëpërmjet video konferencave ndërmjet Kosovës dhe Serbisë, udhëheqësit e të cilave pritet të ulen përballë njëri tjetrit të enjten në Bruksel. Për herë të parë presidenti Thaçi nuk është pjesë e tyre. /VOA

- Reklama -

Më shumë nga kategoria




Të fundit

OBSH paralajmëron: Do të ketë 100 mijë vdekje në javë nga Covid në botë

Vdekjet globale nga COVID-19 pritet të arrijnë në 100,000 shumë shpejt, nga më shumë se 93,000 të raportuara javën e kaluar, tha të hënën...

Braçe: Dy vite më parë u betova me dorën mbi Kushtetutë për të mos vjedhur

Zv.kryeministri Erion Braçe ka publikuar foton e dy viteve më parë, kur u betua me dorën mbi Kushtetutë për të marrë postin e zëvendësit...

Ku ka të drejtë dhe ku dredhon Rama në sulmin ndaj BE-së

Nga: Andi Bushati Edi Rama ka të drejtë në vizatimin që i bën BE-së si bashkim egoist, cinik madje aspak solidar. Kritikat që ai i...

Deputeti shqiptar ftohet në inagurimin e Joe Biden si president i SHBA-ve

Deputeti i Partisë Lidhja Demokratike e Kosovës, Faton Bislimi është në mesin e të ftuarve të Joe Biden në ditën e inagurimit të kandidatit...

Berisha: Turqia ka 300 mijë të vaksinuar në ditë, Shqipëria 365 në 5 ditë

Ish-kryeministri Sali Berisha ka komentuar fushatën e vaksinimit kundër koronavirusit në vend, i nisur me shumë bujë nga kryeministri Edi Rama. Duke krahasuar procesin e...