Melania Trump, Zonja e Parë e Shteteve të Bashkuara, sot ka mbushur 50 vjeç.
Megjithë vështirësitë e rolit të saj institucional, Melania gjithmonë ka mbështetur burrin e saj dhe vendimet e tij, të cilat shpesh bëjnë dhe kane bërë të diskutojë të gjithë botën.
E konsideruar nga shumë njerëz si Zonja e Parë më e bukur ndonjëherë, Melania është bashkëshortja e tretë dhe aktuale e Trump (ata janë te martuar prej 13 vitesh) me të cilin ka një djalë, Barron William.
Ajo lindi në Novo Mesto, Slloveni, vajza e një nje stilisteje dhe menaxheri të një koncensionari makine dhe motoçikletash. Ka filluar të punojë si modele në moshën 16 vjecare, por vetëm kur mbushi 18 ajo nënshkroi kontratën e saj të parë profesionale me një agjenci të rëndësishme Milanese.
Sipas kontratave dhe dokumenteve të mbajtura nga Associated Press, Melania Trump praktikoi profesionin e modelimit në Shtetet e Bashkuara 10 herë, përpara se të merrte një leje të rregullt pune.
Në disa nga pak intervistat e dhëna, gjithnjë ka përsëritur se nuk ishte drejtuar kirurgjise estetike apo botoksit. “Shumë njerëz thonë se kam bërë ndërhyrje në fytyrën time, por e vërteta është se nuk kam bërë asgjë” , tha ajo. “Jetoj një jetë të shëndetshme, kujdesem për lëkurën dhe trupin tim. Unë jam kundër botoksit dhe injeksioneve. Mendoj se dëmtojnë fytyrën, ndërsa unë dua të plakem në mënyrë të këndshme, siç bën nëna ime.”
Në ditën e dasmës me Donald Trump, 22 janar 2005, ajo veshi një fustan Dior i cili kushtoi 100,000 dollarë: ishte zbukuruar me 1.500 kristale dhe, sipas thashethemeve, u deshën 550 orë për ta bërë.
Buzëqeshjet dhe sjellja joshëse ishin armët fituese të Melanisë në fushatën zgjedhore të burrit të saj.
