E diel, 28 Nëntor, 2021
13.5 C
Tirana

Mediu: ‘Gërdeci’ po përdoret politikisht, Visha: Kërkesa e SPAK antikushtetuese

Më herët, Struktura e Posaçme Kundër Korrupsionit dhe Krimit të Organizuar njoftoi se ka rihapur hetimet për tragjedinë e Gërdecit. Ish-ministri i Mbrojtjes, deputeti Fatmir Mediu, këtë të hënë dorëzoi rekursin në Gjykatën e Lartë ku kundërshton vendimin e Gjykatës së Apelit të Posaçëm, që i hapi rrugë rihetimit dhe gjykimit të tij. Duke qenë një çështje tejet sensitive, Mediu është prononcuar dje në një konferencë për shtyp, teksa ka dhënë versionin e tij për tragjedinë e “Gërdecit”.

Çështja “Gërdeci” po përdoret politikisht

Mediu hodhi poshtë akuzat që janë ngritur mbi të, ndërsa shprehu bindjen se ai nuk ka pasur lidhje me ata që zhvilluan biznesin e demontimit të armëve në Gërdec. “Nuk kam reaguar kundrejt sulmeve të ulta të përbaltjes vetëm në respekt të dhimbjes dhe vuajtjes të atyre që e pësuan rëndë në atë tragjedi, por kështu duket se i është krijuar terren çdo intriganti dhe spekulanti që të dezinformojë dhe përbaltë.

Janë fakte të pakundërshtueshme dhe të provuara me dokumenta, që nuk kam pasur asnjë lidhje direkte apo indirekte unë apo familjarët e mi me ata që kanë zhvilluar biznesin e demontimit në Gërdec. Të gjitha aktet kanë qenë pjesë e konsultimit të plotë dhe të gjerë me të gjitha nivelet e strukturave civile dhe ushtarake të Ministrisë së Mbrojtjes. Nuk është prezantuar pranë ministrit asnjë shqetësim në lidhje me mënyrën se si zhvillohej veprimtaria e demontimit në Gërdec, dhe në mënyrë të posaçme mbi sigurinë teknike të këtij procesi”, deklaroi ai.

Ndër të tjera ai nënvizoi se dosja “Gërdeci” është e nxitur politikisht, pasi përmendet vetëm në fushata elektorale. “Unë mendoj që vetë hetimi e ka provuar që Mediu nuk ka përgjegjësi me vendimin e VKM. Ministri është i detyruar të zbatojë vendimin. Në rast se nuk do të veproja me VKM, do të ishte ‘shpërdorim detyre’. Nga fakti që unë kam vepruar, besoj se kam bërë detyrën time si funksionar në atë kohë. Çështja e gjykimit nuk është subjektive. Nuk mendoj se do të kthehemi tek koha e drejtësisë popullore, por drejtësia në kodin e procedurës penale dhe çdo procedurë që niset me indicie paligjshmërie, nuk është drejtësi. Kam qenë 4 herë në Gjykatën e Lartë. Edhe kjo çështje është gjykuar në Tiranë dhe ka marrë formën e prerë në Gjykatën e Apelit, por asnjëherë nuk i referohen këtij vendimi. Jam përpjekur të thellohem sa më shumë në ligjshmëri apo paligjshmëri. Fakti që kjo çështje është nxitur vetëm në fushata elektorale, tregon se ka interes politik”, nënvizoi Mediu.

Avokati i Mediut: Kërkesa e SPAK antikushtetuese

Ardian Visha, i cili është avokati i ish-ministrit të Mbrojtjes, Fatmir Mediu, e ka cilësuar një akt antikushtetues vendimin e Strukturës së Posaçme Kundër Korrupsionit dhe Krimit të Organizuar, për rihapjen e hetimeve për çështjen “Gërdeci”.

“Janë një sërë koincidencash të një subjektiviteti ekstrem, të një institucioni që duhet të veprojë me një logjikë të ftohtë. SPAK konsideroi si risi kërkesën e familjarëve për hapjen e hetimeve. Deklarata e prokurorit për hapjen e hetimeve është gati ilegale, pasi nuk pati asnjë komunikim me mediat. Kërkesa e SPAK ishte antikushtetuese dhe jo e ligjshme. Çdo akt që pason kërkesën e SPAK, duhet të jetë i pavlerë. Ka deklarata mediatike nga titullari i SPAK dhe ne do t’i shkojmë deri në fund. Kjo lloj drejtësie dhe qëndrim subjektiv i shprehur, më bëjnë të besoj që kjo lloj drejtësie nuk është drejtësi e parashikuar në shinat legale.

Ne do të përballemi me çdo formë që do të marrë kjo çështje. Ky rast është domethënëse për mungesën e objektivizmit dhe humanizmit për këtë çështje”, deklaroi ai. Më tej avokati Visha hodhi akuza edhe në adresë të prokurorëve të dosjes “Gërdeci”. “Vendimi i Apelit të SPAK nga ana tjetër është i pashembullt, një pjesë e prokurorëve janë haluçinantë. Mjafton të shikoni aktet e tyre. Ai është një vendim që ka kontradikta mbi mënyrën si është themeluar. Asnjë provë e dërguar prej nesh nuk ka vlerësimin minimal prej gjyqtares. Veprimi i prokurorisë është ilegal dhe duhet treguar para opinionit publik”.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...