Më dërguan mesazhe/ Pipero: Ja çfarë u thashë mësuesve për vaksinën AstraZeneca

Mjeku Pëllumb Pipero ka treguar se gjatë gjithë ditën e sotme ka marrë mesazhe nga mësuesit, të cilët i kërkonin informacion lidhur me vaksinën AstraZeneca.

I ftuar në emisionin “Open”, Pipero tha se u kishte kthyer përgjigje të gjithëve, duke i lënë të vendosnin vetë pasi dozat nuk ishin me detyrim.

Pëllumb Pipero:Kam patur dhjetra mesazhe nga mësuesit, i kam kthyer të gjithëve këtë mesazh: Unë si profesionist deri më tani nuk kam asnjë informacion që të më vërtetojë lidhjen midis vaksinës, mpiksjes së gjakut dhe vdekjeve. Nuk e bëj lidhjen shkak-pasojë. Por vendimi iu përket juve nëse do ta bëni apo jo”.