Tre zyrtarë të Inspektoratit të Mbrojtjes së Territorit (IMT) janë vënë në pranga nga Policia e Beratit. Ata akuzohen për “shpërdorim detyre”.
Sipas njoftimi të policisë, ndaj tyre është bërë një hetim 6 mujor, pasi kanë favorizuar persona të ndryshëm për të bërë ndërtime pa leje në territorin e Bashkisë së Beratit.
‘Vendet Islamike’, të dielën konferenca e parë e donatorëve për Shqipërinë
Njoftimi policisë:
Në vijim të zbatimit të planit të masave për goditjen e veprimtarisë së paligjshme në fushën e krimit ekonomik dhe në kuadër të procedimit penal të regjistruar pranë Prokurorisë së Rrethit Gjyqësor Berat, për veprën penale “Shpërdorim i detyrës”, është finalizuar me sukses operacioni “Stop”.
Si rezultat, u bë ekzekutimi i Vendimit Penal të Gjykatës së Rrethit Gjyqësor Berat, e cila më datë 04.12.2019 ka vendosur masën e sigurisë “Arrest në burg” për shtetasit:
– L.S., 50 vjeç, banues në Dyshnik, Berat;
– E.V., 29 vjeç, banues në Berat;
– D.H., 45 vjeç, banues në Berat, të tre me detyrë inspektor pranë Inspektoratit të Mbrojtjes së Territorit (IMT) në Bashkinë Berat.
Nga hetimet e kryera ka rezultuar se 3 Inspektorët, në kundërshtim me ligjin, kanë favorizuar dhe lejuar shtetas të ndryshëm për të kryer ndërtime pa leje në territorin e Bashkisë Berat.
