Italia ka publikuar bilancin e viktimave nga koronavirusi në 24 orët e fundit.
Sipas mediave vendase, 683 persona kanë humbur jetën gjatë orëve të fundit, duke e çuar numrin total të viktimave në 7,503.
Shteti fqinj vijon të raportojë shifra të frikshme, duke mbajtur edhe kryesimin si vendi ku janë shënuar vdekjet më të shumta nga virusi Covid-19.
Mediat fqinje raportojnë se në 24 orë janë konfirmuar 3,491 raste të reja me virusin vdekjeprurës, ndërsa numri i përgjithshëm i të infektuarve ka shkuar në 74,386.
Numri i personave që kanë fituar betejën me koronavirusin ka shkuar në 1063.
Gjithashtu një rritje të shpejtë në numrin e vdekjeve po sheh edhe Spanja, e cila dje raportoi rreth 600 viktima të reja nga koronavirusi. Nëse Spanja do të vijojë me këto ritme, atëherë shumë shpejt ajo do ia kalojë edhe Kinës e cila mban vendin e dytë për numrin më të madh të viktimave të shkaktuara nga ky virus.
Spanja numëron deri më tani më shumë se 2,800 viktima, ndërsa Kina raporton më shumë se 3,200 pacientë të vdekur.
