Kryeministri Edi Rama prezantoi qeverinë e re, me të cilën do të drejtojë vendin në katër vitet e ardhshme. Edhe ministrat e rinj të Ramës pritet të dekretohen nga Presidenti Meta. Tashmë në Presidencë ka mbërritur shkresa e Partisë Socialiste, për propozimin e Edi Ramës si kryeministër, bazuar në nenin 96 të Kushtetutës.
Qeveria e re ‘Rama 3’, do të betohet te Ilir Meta, nëse ky i fundit nuk do të jetë i shkarkuar nga Gjykata Kushtetuese. Kreu i qeverisë ka deklaruar dy ditë më parë se nëse Meta do të vijojë të jetë në atë zyrë si kreu i Shtetit, ai nuk do bëjë gjë tjetër veçse të respektojë Kushtetutën.
“Për sa kohë është në zyrë, do respektojmë Kushtetutën. Janë ndarë rrugët mes PS dhe Ilir Metës, janë të pakthyeshme”, tha Rama.
