Kreu i partisë Bindja Demokratike, Astrit Patozi, ka reaguar lidhur me vendimin e qeverisë për vendosjen e detyruar të maskës. Ai ka publikuar një foto nga rrugët e Tiranës, ndërsa tregon një tjetër problematikë. Atë që qytetarët janë të frikësuar prej gjobave, dhe janë të detyruar të mbajnë maskën.
Ndonëse shifrat kanë qenë të larta, në ditët e shkuara është vënë re një neglizhencë e shtuar nga ana e qytetarëve, të cilët maskat i kishin kthyer në një aksesor zbukurimi dhe jo në një mjet që shpëton jetë.
Patozi thotë me ironi se kjo masë nuk do të sjellë produktivitet dhe stabilizim të gjëndjes, për sa kohë shqiptarët nuk janë të ndërgjegjësuar dhe e mbajnë maskën si shall.
Statusi
“MASKAT SI SHALLE
Maska plot në rrugë, por shumica si shalle. Jo për të mbuluar hundët dhe gojën, por thjesht të varura në qafë.
Domethënë për të qenë në rregull me policin, se për Covid-in nuk ka problem”.
Nga sot ka hyrë në fuqi Akti Normativ për mbajtjen e detyrueshme të maskës në çdo ambient, masë e marrë për të parandaluar përhapjen e koronavirusit.
Për ata që nuk zbatojnë këtë rregull, është parashikuar një gjobë nga 3 mijë lekë deri në 5 mijë lekë, në rast përsëritje.
