Kryeministri u ka kërkuar të gjithë qytetarëve që të tregojnë durim, pasi virusi është mes nesh. Deri në daljen në treg të një vaksine, kryeministri Rama paralajmëroi se është e largët dita që ti rikthehemi jetës normale.
Ai tha se duket monitoruar situatën, nga java tjetër do të ketë masa lehtësuese dhe po mendohet për të liruar lëvizjen në këmbë. Rama tha se do lirohet pak lëvizja fshat-qytet dhe mund të ketë një orar të posaçëm për pensionistët.
“Lëvizja fshat-qytet të jetë më e relaksuar. Levizja në këmbë do jetë më e lehtë. Do ketë një orar për pensionistët, për shembull të dalin në mëngjes. Pastaj ata brenda e të tjerët jashtë. Mund të lejohet dhe dalja për xhiro, deri në 2 veta, por jo më shumë se dy veta dhe jo të qëndrojnë në një vend dhe të krijojnë grumbuj”, u shpreh Rama.
